இங்கிலாந்தின் புதிய பிரதமர் யார்? போரிஸ் ஜான்சன்-ரிஷி சுனக் கடும் இடையே போட்டி!!

இங்கிலாந்து பிரதமர் லிஸ் டிரஸ் ராஜினாமாவால் அடுத்த பிரதமர் யார் என்ற கேள்வி எழுந்துள்ளது. போரிஸ் ஜான்சன், ரிஷி சுனக் ஆகிய இருவர் இடையே போட்டி உருவாகும் வாய்ப்பு உள்ளதாக தகவல்கள் வெளியாகி உள்ளன.

இதுவரை பிரதமர் பதவிக்கு நான் போட்டியிடுகிறேன் என எந்த தலைவரும் அதிகாரப்பூர்வமாக அறிவிக்கவில்லை. ஆனாலும் எம்.பி.க்களின் ஆதரவைப் பெறுவதில் தலைவர்கள் தீவிரம் காட்டி வருவதாக லண்டனில் இருந்து வரும் தகவல்கள் தெரிவிக்கின்றன.

மதிய நிலவரப்படி இந்திய வம்சாவளி ரிஷி சுனக் 45 எம்.பி.க்கள் ஆதரவையும், முன்னாள் பிரதமர் போரிஸ் ஜான்சன் 24 எம்.பி.க்கள் ஆதரவையும், பெண் தலைவரான பென்னி மார்டண்ட் 17 எம்.பி.க்கள் ஆதரவையும் பெற்றுள்ளதாக கூறப்படுகிறது.

அதே நேரத்தில் சமீபத்தில் பதவி விலகிய இந்திய வம்சாவளி உள்துறை மந்திரி சூவெல்லா பிரேவர்மன், சர்வதேச வர்த்தகக மந்திரி கெமி படேனோச், ராணுவ மந்திரி பென் வாலஸ் பெயர்களும் அடிபட்டு வந்தன. ஆனால் பென் வாலஸ் தான் போட்டியில் இல்லை என்று அறிவித்துள்ளார். அவர் போரிஸ் ஜான்சனுக்கு ஆதரவு தெரிவித்துள்ளார்.

இத்தனை பேர் பெயர்கள் அடிபட்டாலும், இறுதிப்போட்டி இந்திய வம்சாவளி ரிஷி சுனக்குக்கும், முன்னாள் பிரதமர் போரிஸ் ஜான்சனுக்கும் இடையே நிலவும் என்ற எதிர்பார்ப்பு உள்ளது.

 

Related Posts